ابكي يا عيني

ابكي يا عيني انهمري اسكبي الدموع..مهزوز دخلاني ومليان بالتشواش
السحور راه كثير انا راني مخلوع .... ودينا تهدم كثر تحت النباش
لي يسحر كافر يالي به مولوع .... العالم فيه فتى مافيها نقاش
ضال يكتب للناس وميت بالجوع .... بناته يزوجه علاه يبقاو بلاش
الشعودة كثيرة فيها كذا من نوع .... ولي يضر الناس ذليل ما يغلاش
يقول نعلم الغيب وبيري الموجوع .... ونجمد الما خي منين وباش
على الما نمشي وفالسما مرفوع .... هذا كله بهتان عايش كالخفاش
نفرق بين الناس والراجل مضبوع .... من مرته منشوع نكده المعاش
كل الشرك في قلوبهم مزروع .... والقرآن هانوه غلا تكون مدهاش
حتى يذبح للجن عاد الكلام مسموع...يحرف في المصحف في صلاته غشاش
عمره ما يفلح ومن الجنة مقلوع ....عمره ما يغنى يحتاج حتى للفراش
ولي يأمنه الايمان منه منزوع ....اربعين يوم صلاته تعد خشاش
تاكلين على الابراج غفيق يا المصروع...نمثلك توصافه باش تحذره باش
واش اسمية الام خويا راك مخدوع .... ويوصيك اذبح يكونوا كحل الكباش
علىالوضو يجليك ومن الصلاة ممنوع... يهترف في كلامه السنن ما يبغيهاش
سلفي نحمد ربي عايش في دعدوع .... ندعي لله ربي وانا في الناس باش
ندعي للتوحيد ومن بدعةمفجوع ....لي يحيدني علىالطريق الىالآن ماجاش
الكلام ذا لي ما نيشي مدفوع .... حميد يا خويا ذا جواب مول شاش[center]

مشكور مشكور يا اخ حمز موظوع يستاهل تكتب عليه و الناس لازم تقراه و تفيق واش راهي تدير قبل ما يفوتها الحال و تعشي في المحال
الله يهدي هذ القوم و يهدي الجميع انشاء الله